Керәшен Сәрдәсеннән Евдокия Никитинага республика акциясендә катнашкан өчен рәхмәт белдерелде

«Чулпы» халык фольклор ансамбле хормейстеры Евдокия Никитина «Яңарыш: эпосның заманча укылышы» фестивалендә катнашты. Биредә Татарстанның уникаль чигелгән картасын тәкъдим иттеләр. Бер тукымада республиканың барлык 43 районы һәм ике шәһәр округы күрсәтелгән.

Мин яшьтән үк чигү-бәйләү эшен яраттым. Хәзергә кадәр бу эшне дәвам итәм. Буш вакытта балаларны да,  теләге булган авылдашларымны да чигү-тегү-бәйләү серләренә өйрәтергә тырышам. Төрле конкурсларда үземне сынап карыйм. Әлеге фестивальдә дә бик теләп катнаштым, – ди Евдокия.