Казанда керәшен геройларына багышланган фәнни-гамәли конференция булачак

Җиңү көненә багышланган конференциядә Бөек Ватан сугышы чоры тарихын өйрәнүдәге методик һәм башка мәсьәләләр; сугыш елларындагы дәүләткүләм һәм дини сәясәт; Бөек Ватан сугышына бәйле тарихи хәтер; сугыш чорындагы сәнгать, мәдәният, мәктәп һәм массакүләм матбугат чаралары; сугышчыларның хәрби хәзерлеге һәм фронттагылар батырлыгы; Гражданнар сугышы һәм Бөек Ватан сугышына кагылышлы артефактлар һәм документлар; сугыш чорындагы тыл һәм башка проблемалар өйрәнеләчәк.

Конференциядә катнашучылар Я. Емельянов үзәгендәге музей һәм керәшеннәр тарихын, культурасын чагылдыра торган экспонатлар белән дә таныша алалар. Фәнни-популяр, фәнни-методик һәм әдәби китаплар сату-күргәзмәсе дә эшлиячәк.

Катнашу өчен гаризалар 10 апрельга кадәр кабул ителә.

Галимнәр, туган төбәкне өйрәнүчеләр, священниклар, мәктәп укытучылары, мәгариф һәм мәдәният хезмәткәрләре, вуз студентлары, халкыбыз тарихын өйрәнүче кешеләр катнашачак бу конференция 25 апрель көнне Я. Емельянов исемендәге мәдәни үзәктә (Казан, Михаил Худяков ур, 11) булачак.

Конференция координаторы: Я.Емельянов исемендәге мәдәни үзәк методисты, тарих фәннәре кандидаты Мухамадеева Лилия, тел.: 8-937-775-57-87 (сот.).

Электрон адрес: zgel21@mail.ru