Карендәшебез Григорий Абрамов Татарстан көрәш федерациясенең Рәхмәт хаты белән бүләкләнде

Аны ачу тантанасында спортның бу төрен үстерүгә үзләреннән зур өлеш кертүчеләргә бүләкләр тапшырылды. Алар арасында Мамадыш районының Югары Әрнәш авылыннан танылган көрәшче, тренер буларак бик күп тапкырлар батыр калган көрәшчеләр тәрбияләгән Григорий Абрамов та бар иде. Аңа көрәш федерациясе президиумы председателе Марат Әхмәтов Рәхмәт хаты тапшырды.

«Сезне ихлас күңелемнән 65 яшьлек юбилеегыз белән тәбрик итәм! Спорт өлкәсендә уңышларны арттыруга юнәлдерелгән фидакарь хезмәтегезне югары бәяләп, олы рәхмәтемне җиткерәм. Олы хезмәтегезне искә алып, татар көрәшендә, күп тапкыр батыр калган пәһлеван егетләр тәрбияләгәнегез өчен, Татарстан Республикасының татар көрәше федерациясе президиумы һәм республикабызның меңләгән көрәшчеләре сезгә зур рәхмәтен белдерә» диелгән юллар да бар Рәхмәт хатында.