«Камский Артек»та керәшен культурасын күрсәттеләр

Лагерьның 4нче көне «Әхлаклылык - тормышның нигезе» («Нравственность-основа всей жизни») дип аталган. Бу көнне студентларны шәһәрнең Халыклар дуслыгы йорты эшчәнлеге белән таныштырдылар. Халыклар дуслыгы йорты урынбасары  Ольга Гудошникова яшьләргә үзләренең эшчәнлекләре Татарстан халыклары ассамблеясенең Түбән Кама филиалындагы яшьләр эшчәнлеге турында сөйләде. Түбән Кама керәшен оешмасы председателе урынбасары Эльмира Гыйльметдинова һәм «Сүрәкә» керәшен халык фольклор ансамбле җитәкчесе Ольга Вәлиуллина студентларга керәшеннәр, милли культурабыз турында сөйләделәр. Элгәреге киемнәребезне күрсәттеләр. Студентларга керәшен биюе элементларын өйрәттеләр.

«Җиз кыңгырау» ансамбле солисты Валерия Васильева керәшен җыруын башкарды.