Кайбыч керәшеннәре Казанда авыл хуҗалыгы ярминкәсендә булды

Узган шимбәдә Кайбыч районының уңганнары Казан шәһәренең Яңа Савин районы халкына чагыштырмача арзан бәядән экологик яктан чиста продукция тәкъдим итте.

Анда, бакчасында мул уңыш үстереп, бер өлешен сатарга теләге булган шәхси ярдәмче хуҗалыклар да катнашты. Мәлки, Иске Тәрбит авыл җирлекләреннән дә керәшен карендәшләребез килгән иде. Иске Тәрбит авылыннан Любовь Тимофеева: «Ямашев проспектында булдык. Авыл халкыннан җыйдык бәрәңгесен, кишерен, суганын, чөгендер, кыяр, помидор, ташкабак, кабаклар, сарымсак. Шулай ук төрле кышкылыкка әзерләнгән банкалар: помидор ассорти, лечо, борщ алып килдек. Палаткаларны керәшен сөлгеләре белән бизәдем, көзге композицияләр ясадым, чәчәкләрдән тәкыя үрдем. Алып барган яшелчәләр барысы да сатылып бетте», — диде.