Кайбер даруларны куллану тыелган

Россия сәламәтлек саклау министрлыгы канцероген матдәләре дә булган  даруларны сатуны, куллануны тыя. Министрлык  бу даруны җитештерә торган фармакология компанияләренең теркәлү турындагы  таныклыкларын да алган. Исемлектә “Ранитидин” белән беррәттән, составында шундый ук  матдә булган “Зантак”, “Гистак”, “Ацилок” да бар. Моңа сәбәп итеп, ул даруларның кеше сәламәтлегенә  куркынычлы булуы китерелә.

“Америкада бу препаратны  2020 елда ук җитештерүдән алганнар, – дип аңлата  “Атлас” биомедицина холдингының фәнни директоры, Джордж  Мейсон университеты профессоры, биолог Анча Баранова. –  Ранитидинның химик синтезы барышында  N-нитрозодиметиламин катнашмасы кала. Ә ул матдә канцероген санала”.