Иң шәп бүләкнең берсен алып киттеләр

Агымдагы елның 2 яртыеллыгында "Туганайлар" газетасы укучылары арасында розыгрыш башлап җибәргән идек. Татарстанның төрле районнарында сибелеп яшәүче карендәшләребездән барлыгы 120 квитанция күчермәсе килде.

Укучыларыбыз  арасында,  чәйнек, үтүк, таба, кәстрүл һәм үлчәү уйнаттык.

Иң шәп бүләкләрнең берсе – кәстрүл Биектау районының Озерная поселогыннан Җәүһәрия Нуруллинага эләккән иде. Бүген ул үз бүләген алып китте:

«Үзем Чистай ягыннан. Хәзер яшәгән Озерный бистәсендәге бөтен иптәшләрем дә керәшеннәр. Алар белән бергә фермада эшләдек. Алар белән аралашып, күрешеп торабыз. Бергә керәшен бәйрәмнәренә дә йөрибез. «Туганайлар» газетасын дустымда күреп алдым да, бик ошады газета. Язылдырга булдым. Алга таба да язылам Алла Боерса. Бер хәрефен дә калдырмыйча, кат-кат укыйм», – дип сөйләде ул.