Яңа Маты халкы махсус хәрби операциядәгеләргә күңел җылысын җиткерде

Бу бик ару һәм кирәкле эш!

«Авылдашларыбыз үз куллары белән өйдә әзерләгән тәмле токмачлар, тушёнкалар, төрле боткалар әзерләделәр, сало тозладылар, чәйләр ясадылар, маскировка челтәрләре дә үрәләр һәм тагын да күп файдалы әйберләр тупладылар.

Без бик нык өметләнәбез: безнең егетләргә, туган йорттан, Бакалы районының изге күңелле кешеләреннән килгән бу ярдәм, аларның күңеленә җылылык һәм шатлык өстәр. Егетләргә ярдәм барлыгын һәм без аларның һәрберсе өчен борчылуыбызны белү бик мөһим», – диде клуб җитәкчесе Артемий Кудрин.

Бу игелекле гамәл, һичшиксез, безнең батыр егетләребезгә көч-куәт бирер, аларның рухын күтәрер. Алар, үз чиратында, безнең яклаучыларыбыз буларак, Ватанны саклап, безнең тыныч тормышыбыз өчен көрәшәләр.
Яңа Маты авылының һәрбер кешесе бу эштә үз өлешен керткән. Батыр егетләребезгә исән-сау, җиңү яулап туган якларына кайтырга булсын! Аларның һәрберсе безнең өчен кадерле, без аларны бик нык көтәбез!

Артемий Кудрин фотолары.