Якты Күл авылында яшәүчеләр хәрбиләргә коры аш өчен чимал әзерләгән

Зәй районы Якты Күл авылында  махсус хәрби операциядә катнашучылар һәм госпитальдә дәваланучыларга матди ярдәм җыю, токмач кисү, ипи киптерү, челтәр үрү, киемнәр әзерләү белән күптәннән шөгыльләнәләр.

Шушы көннәрдә СВО зонасына җибәрү өчен коры ашлар әзерләү өчен яшелчәләр җыйдылар.

«Әйе, барысын да  – кәбестәсен, кишерен, бәрәңгесен, чөгендерен китерделәр авылыбыз кешеләре. Без аларның барысын да солдатларга җибәрәчәкбез. Бу ризыклар илебез тынычлыгы өчен көрәшүче егетләребезнең беләкләренә көч, тән сихәте, йөрәкләренә дәрт, җиңүгә ышаныч өстәсен иде!» – дип яздыла Якты Күл мәдәният йорты хезмәткәрләре.

Фотолар мәдәният йортыннан.