Георгий Ибушев төшергән фотолар да җырларыдай матур

Җәй айларын Мамадыш районындагы туган авылы Владимирда уздырырга яратучы җырчы Георгий Ибушев кесә телефонын үзеннән калдырмый, ахры. Җанга якын туган авылының үзе өчен кадерле урыннарын фотога төшереп, дусларына да юллый ул. 

Россиянең — атказанган, Татарстанның халык артисты, танылган җырчы, шагыйрь Георгий Ибушевның фотолары да шигырьдәй, җырдай матур. Бер караганда, аларда искитәрлек берни дә юк, гадәти авыл табигате. Ә шулай да игътибар белән карагыз әле: бакча башындагы киртәгә кадәр ниндидер бер ярату, җирсү хисе белән төшерелгән. Салават күпере дә аларның бакчасына үрелеп карый шикелле...