Федор Симашев исемендәге спорт мәктәбендә Халыкара коррупциягә каршы көрәш көненә багышланган чара узды

Зәйнең Олимпия чемпионы Федор Симашев исемендәге спорт мәктәбендә Халыкара коррупциягә каршы көрәш көненә багышланган чара узды. Аны мәктәптә шөгыльләнүче балалар белән тренер Әминә Сәйфетдинова үткәрде. Тренер Юлиана Изосимова исә балалар белән әңгәмәне уен формасында оештырды.
- Чара барышында укучыларга коррупция тарихи һәм аның сәяси күренеш буларак кешелеккә борынгыдан билгеле булуы, энциклопедия мәгълүматлары буенча ул, дәүләт вазыйфаларын биләүче затларның, үз вазыйфаи вәкаләтләреннән файдаланып, законсыз рәвештә, баю максаты белән, физик яки юридик затлардан мөлкәти байлыклар, акчалар, өстенлекләр алуы аңлатылды, - ди Әминә Сәйфетдинова.
Коррупциянең иң зур тискәре ягы шунда, ул дәүләтнең икътисадына зур зыян сала, аның куәтен какшата. Икътисадның хәле начараю үз исәбендә шул дәүләттә яшәүче гражданнарның тормыш дәрәҗәсе түбәнәюгә китерә. Ә бу халыкның хакимияткә ышанычын югалтуга этәрә, җәмгыятьтә тотрыксызлык китереп чыгара, диелде чарада.

Тулырак: http://zainsk-rt.ru/news/ya%D2%A3alyiklar/zyne-sport-mktbend-korruptsiyane-mgyyatk-bulgan-yogyntysy-turynda-sylshtelr