Евдокия Никитина: “Бер генә минут та тик утыра алмыйм”

Евдокия үз төбәгенә хас булган чигү үрнәкләре белән Татарстан картасын чиккән иде. Алай гына түгел, аның кул эшләренең тагын да күплеген һәм төрлелеген, зәвыклылыгын күреп сокландык. Аллы-гөлле җепләрдән генә түгел, башка төрле материаллардан да сәнгать әсәрләре тудыра Евдокия Аркадьевна.

Аның хатын-кызлар көненә, бүләккә дип ясалган чәчәкләре искиткеч. Чиккән әйберләрен күргәч, «осталык кына түгел, күпме түземлек тә сорый бит бу эш», дип уйлап кудым.

«Бер генә минут та тик утыра алмыйм. Кул эшләре мине тынычландыра, илһам бирә», — ди ул үзе дә.