Елизавета Головинадан угыз сөтеннән эремчек рецепты

Сыер бозаулагач, сауган сөтне сөзеп, чи ләкләргә салам да, суыткычка тыгып куям. Өч-дүрт көн рәт тән шулай эшлим. Аннан соң,  угыз сөтенең барысын бергә зур кәстрүлгә салып, газ плитәсенә куеп кайнатам. Ул эремчек шул суында суына. Угыз эремчеге майлы, тәмле була.

Яңа сауган сөтне аерым савытта тагын кайнатып чыгарам да, сөзелгән угыз эремчеген шуңа кушам. Салкын килеш, кашыклап, тәмле итеп ашыйбыз.

Шулай ук, банкаларга салып, күрше-тирәгә таратам. Барысы да: “Үзең исән-сау  бул, сыерларың исән булып саудырсыннар”, – дип, яхшы теләкләр белән, рәхмәт әйтеп алалар.

Элгәре, әниләр заманында, күзикмәк пешереп, угызны шул күзикмәк белән ашау йоласы да булган.