Элҗенне кайда һәм ничек уздырганнар?

Балык Бистәсе районының Үри Чаллысы авылында Элҗен көннен зурлап каршы алганнар. Авыл халкы гармун моңнары астында үзләренең яшь чакта уйнаган уеннарын уйнап, халкыбызның моңлы җырларын җырлап, биюләр биеп, рәхәтләнеп күңел ачып, балачак һәм яшьлекләрен искә төшергәннәр. Самавырдан чәйләр эчеп, матур итеп аралашып, капка төбендә кич утырганнар.
Тиздән, шушындый күркәм бәйрәм Бирдебәк авылында дәвам итәр дип көтелә.

Шулай ук, Мөслим районының Керәш-Шуран авылында да зурлап Элҗен бәйрәмен үткәргәннәр. Үзара шушы көнне алар “бәйрәңге бәйрәме” дип тә йөртәләр икән. Керәш-Шуран мәдәният йорты каршында авыл халкы өчен бәйрәм оештырылган. Кунаклар өчен концерт, төрле уеннар әзерләгәннәр.