Елена Григорьева: «Җибәрәсем килми җәйне»

Көзге урман нәкъ тылсымлы сандык кебек.

Эчкәрәк кергән саен матуррак була бара. Тирә-юньдәге һәр агач, үлән-җимешләр, тар сукмаклар алтынсу-саргылт төскә кергән. Көзге урманның һавасы да чиста, саф була. Урманда күбрәк йөрегез, дуслар. Ул сәламәтлеккә файдалы һәм күңелдә матур хисләр уята. Урманга йөрүчеләр шактый. Кемдер табигать кочагында ял итә, саф һава сулый, кемдер җиләк-гөмбә җыя.

Сез саф һавада йөрергә, сәяхәткә барырга яратасызмы?

«Сүзләр белән аңлатып бирә алмаслык рәхәт ләззәт алдым бүген! Сез ничектер, минем әле җәйне җибәрәсем килми. Сәпитемә атланып, чабуына ябышып чабам, ничек тә бу рәхәтлектә озаграк буласы килә. Дөнья шундый матур! Саф һавада йөрү, йөгерү дә сәламәтлеккә файдалы. Урманга ешрак йөрергә кирәк. Урман һавасы – иң чиста һава», — ди Елена Михайловна.

Елена Григорьева фотолары.