Елена Данилова сүзләренә яңа җыр

Күпләр Мамадыш районының Владимир авылында туып-үскән Елена Григорьева-Данилованы талантлы биюче, музыка коралларында уйнаучы, керәшен җыруларын искиткеч оста башкаручы һәм олы тәҗрибәгә ия сәхнә остасы, бүгенге көндә керәшеннәрнең "Бәрмәнчек" Дәүләт фольклор ансамблендә оркестр артисты – ансамбльнең әйдәп баручы солисты буларак белә, ләкин ул үзен шагыйрә буларак та танытты.

“Шигърият белән кызыксынуым кечкенәдән, шулай булуына да карамастан, чынлап торып шигырьләремне ВКонтакте социаль челтәрендә 2023 ел башында гына үземнең стенага куя башладым.
Яңа “Серебез булып кал" җырының сүзләре минеке, көе Ринас Әхмәтовныкы, көй бизәлешен(аранжировка) Рөстәм Ахунов ясаган. Студиядә яздыручы Леонид Охотников. Җырлый ТРның Халык артисты Резидә Шәрәфиева", – диде ул.