Дәүләт Думасында күп балалы ата-аналар өчен дүрт көнлек эш атнасы кертергә тәкъдим итәләр
Россиядә күп балалы гаиләләрдә ата-аналар өчен эш атнасын дүрт көнгә кадәр кыскартырга тәкъдим итәләр.
Тиешле закон проекты Дәүләт Думасында каралачак. Депутатлар мондый адым илдәге демографик хәлгә уңай йогынты ясар дип уйлый.
«Күп кенә гаиләләр икенче яки өченче бала алып кайтырга әзер түгел, ата-ана бурычын тиешенчә башкара алмабыз дип борчыла. Эш атнасын кыскарту – үзеңне тормышта тиешенчә куллану, эшләү һәм яңа буын тәрбияләү арасында баланска ирешергә мөмкинлек бирәчәк», - дип язган үзенең Телеграм-каналында закон проектын башлап җибәрүчеләрнең берсе, ЛДПР лидеры Леонид Слуцкий.
Эшләнгән документ 3-4 балалы ата-аналар өчен, хәтта кыскартылган эш режимына күчкәннән соң да, билгеләнгән хезмәт хакын саклауны күздә тота.
Исегезгә төшерәбез, Россиядә дүрт көнлек эш атнасын кертү мөмкинлеге турында күптән фикер алышалар. Тиешле сораштыру нәтиҗәләре буенча, күпчелек эш бирүчеләр бу инициативаны хуплый. Әмма РФ Хезмәт министрлыгы башлыгы Антон Котяков бу юнәлештә хезмәт законнарын үзгәртү «кирәклеген күрмиләр» дип белдерде.
Следите за самым важным и интересным в Telegram-каналеТатмедиа
Керәшен дөньясындагы яңалыкларны ВКонтакте, Телеграм-каналда карап барыгыз.
Хәбәрләрегезне 89172509795 номерына языгыз, шалтыратып әйтегез.
Подробнее: http://tuganaylar.ru/news/novosti/aybagyru-byt
Подробнее: http://tuganaylar.ru/news/novosti/aybagyru-bytсоциаль челтәрләрендәге группалардан укып, белеп барыгыз.
Нет комментариев