Чанаташлар – нинди бәйрәм ул?

Чиркәү календарь буенча, 7 апрель – Арухәбәр (Благовещение) көне. Изге кыз Марияга фәрештә Алла Улы тудырачагын әйткән көн. Яшь буын 7 апрельне Благовещение дип кенә белә. Өлкән буынга ул Чанаташлар бәйрәме буларак та билгеле.
Чанаташлар бәйрәме табигать календаре белән бәйле. Шушы вакытта ат чанасын ташлап, арба җиккәннәр. Күрәсең, бу - яз килүгә куану бәйрәмедер. Чанаташлар бәйрәме дип, Мамадыш районының Дүсмәт авылында әйтәләр. Тагын кайсы якларда бу бәйрәмне искә алалар?  
Шулай ук, 7 апрель – кош оя итмәс көн. Благовещениега туры килгән көндә керәшеннәр ел буе эш башламый, чөнки уңышлы булмый дип санала. Быел ул атнакөнгә (воскресенье) туры килә.  
 «Бу көнне балык ашарга кирәк»,-  дип әйтәләр өлкәннәр. «Балыгың булмаса, кылчыгын булса да суырып куй», - дигән сүзләр хәтердә. Балык Бистәсе керәшеннәре бу көнне – Балык бәйрәме дип тә атыйлар.