Керәшен Сәрдәсе авылында Тройсынны бәйрәм иттеләр

Көн салкын булып, яңгыр явып торса да, халкыбызның милли бәйрәменә кеше шактый җыелган иде. Милли көрәштә батырлар бил алышты, халык төрле кызыклы уеннарда катнашты. Бәйрәмдә "Чулпы" керәшен фольклор ансамбленең матур җырлары яңгырады. Питрәч районы Колай авылыннан килгән "Рябинушка" ансамбле, "Елмай" төркеме чыгышлары Тройсын бәйрәмен тагын да җанландырды. "Сәяр" юмор-концерт төркеме үзләренең матур җырлары белән кешеләрне сөендерде. Халык җырлап-биеп рәхәтләнеп ял итте.

Наилә Зиганшина фотолары