Бөек Җиңүгә әзерлек дәвам итә

 9 Май көнне, районнарның һәр авыл җирлегендә тантаналы митинглар узачак, Ватан тынычлыгы өчен һәлак булганнарны, сугыш кырыннан исән кайтып та, бүгенге көнгә кадәр яши алмаган сугышчыларны искә алачаклар.

 Шушы уңайдан, авыл җирлекләрендә әле чарага нык әзерлек бара. Балык Бистәсе районының Казаклар Чаллысы авылы җирлегенә керүче Үри һәм Бирдебәк авылы биләмәләрендә булган ут баганаларын агартканнар. Авыл уртасында Бөек Ватан сугышында һәлак булган герой авылдашлары истәлегенә багышлап салынган һәйкәлнең рәшәткәләрен буяганнар.

Бакалы районының Умер авылы мәдәният йорты хезмәткәрләре авыл һәйкәл территориясендә агачларны агарту, чүп-чарны җыештыру, чәчәк түтәлләрен һәм чәчәк бакчаларын тәртипкә китерү эшләрен башкарганнар.

Мөслим районының Керәшен Шураны авылы җирлегендә дә 9 май әзерлек бара. Һәйкәл тирәсен чистартканнар һәм чәчәк төпләрен йомшартканнар.

Мөслим районының Яңа Усы авылы мәктәбе дә Бөек Ватан сугышында һәлак булганнарга куелган обелиск территориясен төзекләндергәннәр.

Фотолар Яңа Усы мәктәбеннән.