Бирдебәк түтиләре көзге урманга сәяхәт ясаган

Ул озак еллар авылда сыер савучы булып эшләгән. Өч бала әнисе.

“Яшь чакта барысына да өлгерәсең, ашың да пешкән, йорт эшләре дә эшләнгән, эшкә дә барасың. Өстәвенә,  “урман җене кагылган” диләрме әле, мин бик урманны яратам. Элек җәяү йөри идек. Буш вакыт булдымы урманга йөгерәбез. Җиләген дә, гөмбәсен дә җыйдык вакытында.

Хәзер олыгайгач, бигрәк тә, саулык та сыный башлагач, бара алмыйбыз шул.  Бүген, мәрхәмәтле авылдашыбыз Евдокия Толстова бер төркем сыер савучы булып эшләгән хатыннарны җыеп, машина белән урманга алып барды. Шатлыгым чиксез. Кайбер кешеләр көзне моңсу һәм күңелсез дип кенә белә. Ләкин һәр ел фасылы һәм һәр һава торышы үзенчә матур һәм сокландыргыч. Матурлыкны күрә белергә генә кирәк”, - дип сөйләде Зоя түти.