Баш авыртуына ризык тәэсир итә

Баш өянәге (мигрень) белән, җир йөзендә яшәүче һәр җиде кешенең берсе җәфалана.  Аңа кеше  ашый торган ризык та сәбәп була икән. Мәскәү табибы, невролог Павел Хорошев фикеренчә, баш авыртуыннан интегүче кешеләргә алкогольле эчемлектән баш тартырга һәм үзенең туклануына игътибарлы булырга кирәк.

Башка спиртлы эчемлеккә караганда, кызыл шәраб баш авыртуына китерергә мөмкин. Шулай ук, экспорт әйтүенчә, беренче карашка бик файдалы булып тоелган сырның барлык төрләре дә  баш авыртуын кузгата, ди.

“Мигрень кузгалуга, еш кына, кофеинлы продуктлар – энергетиклар, кофе, чәй дә сәбәп була. Шоколад та, шикәрне алыштыра торган аспартам һәм тәм көчәйткеч булган глутамат та баш баш өянәген көчәйтергә  мөмкин”, – дигән Павел Хорошев.

Майлы иткә килгәндә, табиб уенча, бу ашамлык үзеннән-үзе генә баш авыртуына китерми. Шуңа карамастан, кайбер кешеләргә вегетарианлык диетасына күчүнең файдасы барлыгын да искәрткән невролог “Спутник” радиосындагы әңгәмә барышында.

Фото: unplash.com