“Айбагыр” балаларны көтә

“Айбагыр” – табигатьнең иң матур урынында, Мамадыш районының Соколька авылы янындагы “Кама” балаларны сәламәтләндерү лагеры базасында урнашачак.

13 августтан 28 августка кадәр табигать кочагында ял итәргә, керәшен җырларын, биюләрен өйрәнергә, халык уеннары һәм йола-гадәтләре белән танышырга теләүче балаларны “Айбагыр” үзенә чакыра. Биредә, балалар, сез үзегезгә яңа дуслар табарсыз, спорт уеннарында, кызыклы ярышларда, күңелле эстафеталарда катнашырсыз.

“Айбагыр”дагы ял буенча +7-927-432-24-30 номеры белән Юлия Дуваловага шалтыратып белешә алсыз.