Андрей Кузьмин: “Сәнгать юлыннан бер дә чыкмам дип өметләнәм”

 Андрей физик мөмкинлеге чикле булса да, үз куллары белән һәркемне таң калдырырлык рәсемнәр иҗат итә. Алай гына түгел, ул шигырьләр дә яза, матур җырлый да.

Күргәзмә ачылуга өч айлап вакыт үтеп тә китте. Бүген Андрей Кузьмин үзенең күргәзмә оештырылудан алган фикерләре, сөенече белән уртаклашты:

“Кадерле дуслар, менә өч айлык күргәзмә тәмамлана. Бу минем өчен зур сәяхәт, зур сәнгать юлы булды. Шушы юлдан бер дә чыкмам дип өметләнәм. Бу эшкә катнашкан, күргәзмәне оештырган һәркемгә мин бик рәхмәтле. Әти-әниемә, туганнарыма һәм миңа ярдәм иткән кешеләргә зур рәхмәт.

Күргәзмәдә һәркем, хәтта бөек рәссамнар да булды, алар үз фикерләрен әйттеләр. мин Казанның бу картиналарны күрүенә шатмын. Бу соңгы күргәзмә түгел дип ышанам.  Алла андыйларны күп бирсен”, – диде ул.