Әлмәт ягында яшәүче Роза Брицовадан дурычмак рецепты

Хәзерге вакытта Әлмәтнең Кичүчат авылында яши.  Ул болай сөйләде:

“Мин 6 нчы бала булып дөньяга килгәнмен, әти-әниемә рәхмәтем чиксез, эш сөяргә өйрәттеләр. Хәзер алар юк инде. “Туганайлар” газетасына һәр елны язылам, яратып укыйм, һәр санын җыеп барам.

Бүген карендәшләремә керәшен ашларыннан үзем яратып әзерли торган дурычмак рецептын тәкъдим итәм:

Камыры өчен сыек май, күкәй, тоз, кайнаган җылымса су гына салам, чамалап кына, бер дә үлчәп салганым юк, сыек май ярты стаканга якын булса, суы бер стакан, дурычмакларым кетердәп торалар. Бәрәңгене төйгәндә, 4,5 күкәй, әзрәк ак май, сыек май, кайнаган сөт салам, суганны да майда кыздырып салсаң, тәмле килеп чыга”.