Алабугадан Андрей Терентьев озак еллардан бирле газетабызга язылып, укып бара

Авыл көннәрендә, Питрау, Тройсын, Казанский һәм башка бәйрәмнәрдә дә кулына видео төшерү аппаратын тоткан җитез керәшен дәдәе һаман алдагы рәттә, видео төшерә. Ул шулкадәр зур кызыксыну белән башкара үз эшен, аны күзәтеп торганда ук, видеоларын карыйсы килә башлый. Ә бит төп хезмәте дә бу түгел икән, бары тик хобби гына.

Андрей Терентьев озак еллардан бирле газетабызга язылып, аның һәр санын көтеп алуы хакында сөйләде.

“Газетадан яңалыкларны беләбез. Белдерүләрне укып төрле чараларга киләбез. Авылларыбызның тарихы белән танышабыз. Мин дә, күпләр кебек үк, бик кызыксынып укыйм. Газета хезмәткәрләренә зур рәхмәт, язмаларның кайсын гына алма, дуслар һәм танышлар хакында укыйсың, аларның яңалыкларын беләсең. Күңелгә рәхәт. Минемчә, үз халкын, аның йолаларын хөрмәт иткән бар керәшен дә бердәнбер газетабыз – “Туганайлар”ны укырга тиеш. Зур уңышлар телим “Туганайлар”ыбызга”, – диде Андрей Алексеевич.