«Айбагыр»ның һәр көнендә – бер яңалык

Бүгенге мастер-класста кызлар, егетләр уен-кораллары һәм керәшен җырулары белән якыннанрак таныштылар. Фольклорчы Геннадий Макаров әлеге уен кораллары турында сөйләп, аларда уйнап, җырлап та күрсәтте. Балалар бик кызыксынып тыңладылар. Соңыннан теләге булган һәр бала әлеге уен коралларында уйнап та карый алды.

Тагын бер мастер-классны Я.Емельянов исемендәге мәдәни үзәкнең иҗат жанрлары буенча хезмәткәре Павел Александров уздырды.  Ул — «Ораторское мастерство, сценическая культура речи» («Ораторлык осталыгы, сәхнә сөйләм культурасы») дип аталды. Кеше белән танышканда, аралашканда үзеңне ничек тотарга, ничек дөрес җавап кайтарырга кирәклеге турында сөйләде.

Ә инде кич монда «Айбагыр җегете»н сайлаячаклар. Шулай итеп, инде иртәгә без «Айбагыр җегете»нең исемен беләчәкбез!