«Айбагыр» лагерена гаризалар кабул итү башланды

«Айбагыр» этносменасы Яшел Үзән районында урнашкан «Мирас-Наследие» лагере базасында уза. Ул быел 13нче тапкыр 10-18 яшьлек балалар өчен үз ишекләрен ачачак.

«Мирас-Наследие» этнокультура лагеренда балаларның ялы өчен тиешле уңайлыклар тудырылган, заманча спорт мәйданчыгы, осталар шәһәрчеге, ашханә бар.

Биредә балалар керәшеннәрнең тарихын һәм традициясен өйрәнәләр. Төрле конкурсларда, мастер-классларда һәм башка чараларда катнашалар. Экспортлар, танылган кешеләр белән очрашалар. 18 көнлек бер путёвка бәясе субсидия бәясен исәпкә алып - 16 200 сум.

«Айбагыр»га бару өчен, ата-анасы яки бала үзе 31 майга кадәр онлайн-анкета тутырып җибәрергә тиеш.  5 июньдә – лагерьга баручы балалар списогы билгеле булачак һәм якын арада көннәрендә түләүне башкарырга кирәк.

Онлайн-анкетаны шушында басып тутыра аласыз.

Кызыксындырган сораулар буенча «Айбагыр» сменасы координаторы Аида Тукачовага тел.: +7 919 623-66-28 мөрәҗәгать итәргә була.