Зәй Питравында “Ак дәдәй” бәйгесе үткәргәннәр

Кашкатауда узган Питрау  бәйрәмендә “Ак дәдәй” бәйгесе үткәргәннәр. Бу турыда "Зәй офыклары" газетасы сайты хәбәр итә.

– Ул яңа  бәйгеләрнең берсе булып, бәйрәм кунакларында кызыксыну уятты. Бәйгенең максаты – керәшен  халкының үзенчәлекле традицияларен торгызу, талантларны барлау һәм популярлаштыру, – ди район мәдәният йорты каршында эшләүче автоклуб мөдире Сиринә Хөснетдинова.

Кеше тугач  исем алуга карамастан, гаилә-ыру кешеләренең бер-берсенә якынайту,туплау, бөтен итү максатыннан, сөйләмгә  “Ак дәдәй” дигән  сүзләр кергән. Андый кешеләр авылда бер-ике генә булган. Әлеге бәйгедә Аксар авылыннан Газим Рәкыйпов, Сәвәләйдән Владимир Кашаев, Сарсаз-Баграждан Мирдәвес Әхмәтов, Керәшен Мәлеме авылыннан Николай Тихонов  төрле яктан көч сынашты.

Алар үзләре турында сөйләде, керәшен халкының милли киемнәрен тәкъдим итте, чыбыркы да шартлатты, чабата үрү серләре белән дә бүлеште.

Шул рәвешле әлеге. Калганнар исә төрле номинацияләрдә бүләкләнде. Бәйгедә Керәшен Мәлеме авылыннан Николай Тихонов җиңүче дип табылды.