Юллар иминлеге өчен

Республикада юлларны яңарту дәүләт күләмендәге “Сыйфатлы имин юллар” проекты  буенча тормышка ашырыла. Татарстанның транспорт һәм юл хуҗалыгы министрлыгы хәбәреннән күренгәнчә,  Казанда – 32, Чаллыда 20 километр арадагы юлга ремонт ясалачак. Мөслим район үзәге-Саклаубаш-Юлтимер (Сарман районына керә) арасындагы юллар капиталь ремонт үткәрелә.

 “Сыйфатлы имин юллар” проектының максаты – йөрү өчен юлларны  уңайлы итү, аварияләргә юл куймау. Төп максат: юллардагы транспортка бәйле аварияләрдә кешеләрнең гомерләре өзелү очракларын  2030 елга 3,5 мәртәбә киметү (ягъни, авариядә үлү очракларын һәр йөз мең кешегә дүрт кеше исәбенә кадәр киметү). Дәүләт күләмендәге бу махсус проект Ил Президенты В.Путин тәкъдиме белән, 2019 елдан башланып китте.

Фото: pixabay.com