Вероника Кузнецова Рөстәм Миңнехановка артистларның гозерен җиткерде

Татарстан Президенты Рөстәм Миңнеханов белән очрашуда Вероника Кузнецова да катнашты. Очрашуда эчке туризм, Интернетта татар теле, балаларны тәрбияләү, чикләүләр режимы турында сөйләшү булды. Җырчы Вероника Кузнецова Президентка Татарстан артистларының коронавирус аркасында күчерелгән концертларын, тамашачыларын сагынулары турында әйтте. Коронавирусны җиңеп чыккач, бәйрәмне зур концерт рәвешендә уздырырга тәкъдим итте. 

 Рөстәм Миңнеханов: "Әгәр Ходай боерса, барысы да булачак. Без үзебез дә көтәбез. Кешеләр өйдә утырып арыды, алар аралашырга, кешеләргә чыгарга тели. Киләчәктә мондый мөмкинлек булыр дип өметләнәм", - дип җавап бирде.