Калининода сугыш кырларында ятып калган авылдашлар истәлегенә төзелгән һәйкәл ачылды

9 май көнне Тукай районының Калинино авылында сугыш кырларында ятып калган авылдашлар истәлегенә төзелгән һәйкәлне ачканнар. Тантанада авылның тыл ветераны Анна Виссарионова да катнашкан.

Һәйкәлне төзегән Геннадий һәм Анатолий Давыдовларга авыл халкы рәхмәтен белдергән. "Чәчәк куярга, бабайларыбызны искә алырга урын булды, балаларга, оныкларга күрсәтергә, аңлатырга була. Авылыбыз ямьләнеп китте," – дигән Гасимә Мартемьянова.

Мәләкәс авыл җирлеге җитәкчесе Юрий Васильев Калинино авылы халкын Җиңү көне белән котлаган. Мәләкәс мәдәният йорты хезмәткәрләре авыл халкына концерт куйган.