Альбина Шишканова: “Иң кыйммәтле сыр – күгәреклесе”

Лаешта яшәүче Альбина Шишканова 20 төрдән артык сыр һәм сырлы кәнфитләр җитештерә. Әлеге һөнәргә урау юллар аша, бик озак килә Альбина ханым. Кайчандыр бер кәстрүлдә сөт кайнатып башланган эше хәзер нык үсеш алган. Аның бүген кибете һәм сыр җитештерү цехы бар.

– Сырга сыер һәм кәҗә сөтен Лаештан алам, – ди әңгәмәдәшем. – Ярты ел эчендә 1,5 тонна сөт эшкәртелде. Сөтнең сыйфаты сырның ясалышына бик нык тәэсир итә. Безгә майлы түгел, аксымга бай сөт кирәк, сырны аксым формалаштыра.Кайбер сырлар 1 көн, кайсы 6 ай дәвамында ясала. Йомшакларының саклану сроклары аз: 3-7 көн. Иң кыйммәтле сыр – күгәреклесе. Аларны ясавы да катлаулы һәм андыйлар элиталы сырлардан санала.

Чыганак