Федор Симашев призына чаңгы ярышларында Россиянең 22 регионыннан спортчылар катнашачак

9-13 февральдә “Ялта-Зәй” чаңгы үзәгендә "СССРның атказанган спорт остасы Федор Симашев призына" Бөтенроссия чаңгы ярышлары узачак. Ярышларга Россия Федерациясенең 22 регионыннан 150 спортчы килгән, дип хәбәр итә "Зәй офыклары".

Ярышларны ачу тантанасында Зәй районы башлыгы Разиф Кәримов, Татарстан Республикасы чаңгы һәм биатлон федерациясе вице президенты, республиканың чаңгы һәм биатлон федерациясе командасы баш тренеры Эдуард Галеев, башкарма комитет җитәкчесе Эмиль Галеев, Татарстан Республикасы чаңгы һәм биатлон федерациясе идарәчесе Денис Блохин, “Агрокөч” АҖ генераль директорының “Зәй шикәре” АҖ мәсьәләләре буенча урынбасары Антон Трошин, “Челтәр компаниясе” акционерлык җәмгыятенең “Түбән Кама челтәр компаниясе” филиалы директоры Сергей Огурцов, “Ялта-Зәй” спорт әзерлеге үзәге директоры Белла Огурцова һәм башкалар катнашкан.