Авылларда чишмәләрне кадерлиләр

Авылларда чишмәләрне чистарту һәм төзекләндерү дәвам итә. Аларны чистарту, төзекләндерү һәм кадерләп тоту – кирәкле эш.
Чишмәләр саклап, чистартып торсаң гына яши. Карамасаң, аларның томаланып юкка чыгуы бар. Һәр яз, җәй айларында авылларда өмә ясап, чишмәләрне чистарталар.
“Чишмә яннарын чистарткач, чишмәләребезгә җан кергәндәй булды. ”Чишмә чистарту” көне үзе бер зур бәйрәм кебек узды. Күңелләр күтәрелеп китте. Бергәләшеп авылдашлар белән чишмә яннарын җыештырдык, чәчәкләр утырттык”, – дип яздыла Село-Чура авылының мәдәният йорты хезмәткәрләре.

Сәвәләй мәдәният йорты хезмәткәрләре дә әлеге изге эштән читтә калмаган. “Тирә-юнебез чүп-чардан чистартылды. Һава торышының яхшы булуы эшләргә тагын да көч бирде, кәефне күтәрде”, – диделәр алар да.