Артём Пискунов: Хатын-кызларга хәзер ир-ат кирәк тә түгел

К.Тинчурин исемендәге Татар дәүләт драма һәм комедия театры артистлары Артём Пискунов һәм Резедә Сәләховаларның гаиләсен  "Адәм белән Һава" тапшыруында күрсәттеләр.

Бу интервьюда Артём Пискунов ир-ат белән хатын-кызлар мөнәсәбәтләре, Инстаграмда утыручы аналар, чирле балалар, балаларга тәрбя бирү кебек темаларга карата үз фикерләрен белдерә.  Артем Пискуновның әтисе Олег дәдәй - Мөслимнән, әнисе - татар, Актаныш ягыннан.  "Папа белән мама Советлар Союзында үскән балалар, алар дингә хәзер генә килделәр. Папа чумылдырылды. Мама да хәзер керәшен. Өйдә икона тора", - дип сөйләде ул әлеге тапшыруда. 

Артем Пискунов сүзләренчә, хәзерге заманда кешеләрнең чын йөзе ачылды. Хәзер кешенең кешедә эше юк, үзен генә кайгырта. Хатын-кызлар да элеккеге кебек, гаиләне, ирне кайгыртып яшәми, аларга хәзер ир-ат кирәкми дә, дигән уйлары белән бүлеште артист.