6 ноябрь - Татарстан Республикасы Конституциясе көне

Бүген – Татарстан Республикасы Конституциясе көне. 6 ноябрь – Татарстанның иң истәлекле көннәренең берсе. Бу көнне Татарстан Республикасының төп Законы – яңа Конституциясе кабул иттелде. Әлеге документ республиканы ныгытуда зур роль уйнады, гражданлык һәм икътисади ирекне булдырырга ярдәм итте.

Конституция кеше һәм граждан хокукларының һәм ирекләренең өстенлеген гамәлгә ашыра, халыкларның гомумтанылган үзбилгеләнү хокукына, аларның тигез хокуклылыгы, ихтыяр белдерүнең иреклелеге һәм бәйсезлеге принципларына нигезләнә, тарихи, милли һәм рухи традицияләрнең, мәдәниятләрнең, телләрнең сакланып калуына һәм үсешенә, гражданнар татулыгын һәм милләтара килешүне тәэмин итүгә ярдәм итә, Татарстан Республикасының социаль-икътисадый үсеше, Россия Федерациясе халыкларының тарихи барлыкка килгән бердәмлеген саклап калу өчен шартлар тудыра.