Колышчы “Пәния”се
Кайчак без медицина хезмәткәрләренә рәхмәт тә әйтмибез, аларның җаваплы һөнәрләре турында уйлап та карамыйбыз. Авыл җирендә хезмәт итүче фельдшерларның гына эшен күзәтсәң дә, һәйкәл куярга кирәк, дигән фикергә киләсең. Бүген сүзебез, 18 яшеннән керәшен авылына фельдшер булып килеп, гомерен халык сәламәтлеген кайгыртуга багышлаган татар кызы Фәния ШАДРИНА турында. Мамадыш районының Колышчы авылы халкы аңа “безнең Пәния” дип яратып эндәшә.
