“Нардуган җыры”

Нардуган бәйрәменә дуслар килгәннәр

Асыл киемнәрен киенеп.

Бер-ике җыр җырлап алыйк әле

Туганнар килгәненә сөенеп.

Аргы якларның курмасы,

Бирге якка күренә кырпысы.

Уйныек, җырлыек, биик, көлик,

Шулай Нардуганның пурмасы.

Тәрәзә төпләремдә гөлләрем

Күләгә урынга куймыек.

Үзебез исән-сау чакта

Нардуган исемен җуймыек.

Кара урманнарның уртасында

Карама агачлары ботак бит.

Бу Яңа елларда Нардуганнар

Барлык кешегә дә уртак бит.

Чыгыпкайлар киттем илләргә,

Очрадым нәзек билләргә.

Нардуган бәйрәме җалан булмый,

Күрешү китмәсен җилләргә.

Сандугач белән карлыгач

Карурманга кергәч адашкан.

Бергә бәйрәм итик, дусларым,

Бәйрәмкәйләр бергә катнашкан.