Керәшен халык җыруы: “Җырлашыек, гөрләшиек”

Җырлашыек безләр, гөрләшиек

Болар чәй эчә икән дисеннәр.

Болар чәй эчә икән, ай, дисеннәр, гүзәлем.

Алсу җимеш, кура җиләгем

Өзелә сезнең өчен үзәгем.

Бала каздый кебек шаулашыек,

Туганнары килгән дисеннәр.

Туганнары килгән, ай, дисеннәр, гүзәлем.

Алсу җимеш, кура җиләгем

Өзелә сезнең өчен үзәгем.

Чеметеп кенә, чеметеп камчы үрдем

Үргән саен үрәсем бик килә.

Үргән саен үрәсем, ай, бик килә, гүзәлем.

Алсу җимеш, кура җиләгем

Өзелә сезнең өчен үзәгем.

Сезнең нурлы йөзегезне

Күргән саен күрәсем бик килә.

Күргән саен күрәсем, ай, бик килә, гүзәлем.

Алсу җимеш, кура җиләгем

Өзелә сезнең өчен үзәгем.

Инде бетте әйтер, ай, сүзләрем

Күреп туймый сезне күзләрем.

Күреп туймый сезне, ай, күзләрем, гүзәлем.

Өзелә сезнең өчен үзәгем

Алсу җимеш, кура җиләгем.