"Бәрәкәт" керәшен яшьләр бүлеге тарихы

Керәшен яшьләр хәрәкәтенең барлыкка килүенә ВКонтакте социаль челтәре этәргеч була. 2007 елда ВКонтактеда Антон Байрашев «Кряшены – керәшеннәр» төркеме ача. Бу төркемдә хәзер 5726 кеше.

Антонны ул вакытта керәшеннәр күпме икән, дигән сорау кызыксындыра. Танышып, бер-беребезгә ярдәмләшеп, терәк булып, зур эшләр дә, бизнес та ачып җибәрергә була, дип фикер йөрткән ул вакытта Казан финанс-икътисад университеты студенты Антон. 

Әлеге группа көннән-көн зурая башлый. Интернет челтәрендәге бу төркемдә аралашкан яшьләр очрашырга теләк белдереп, Людмила Белоусова белән элемтәгә чыгалар. Һәм Халыклар Дуслыгы йортында иң беренче очрашуга җыелалар.

Шул очрашудан соң, 2009 елның 4-6 декабрендә керәшен яшьләре форумы уза, «Бәрәкәт» керәшен яшьләр бүлеге булдырыла.

Вероника Степанова