Теләп алдым сезне

Минем җыруларым берәү генә

Сандык төпләрендә сырларда;

Йөгерә үрдәк, кайта бодайдан,

Теләп алдым сезне Ходайдан.

Сандык төпләреннән сайлап алдым,

Сез – туганкайларга җырларга.

Гөр-гөр итеп гөрли күгәрчен,

Күрешмичә ничек түзәрсең.

Биек тауның башларында

Таш тәгәрәүләре – тамаша;

Йөгерә үрдәк, кайта бодайдан,

Теләп алдым сезне Ходайдан.

И, ашыйык, эчиек, уйныйык, көлиек,

Ике гомер килми янәшә.

Гөр-гөр итеп гөрли күгәрчен,

Күрешмичә ничек түзәрсең.

"Керәшен җыру әйтә" китабыннан