Татарстан юлларында машина йөртүчеләрне уята торган тавыш полосалары барлыкка килгән

10.09.2017 08:15 | Хәбәрләр Печать

Татарстан юлларында машина йөртүчеләрне уята торган тавыш полосалары барлыкка килгән

Әлегә бу полосалар 8 чакрым юлда урнаштырылган.

Татарстанда тавыш полосалары урнаштыра башладылар, алар ЮХИДИ планы буенча руль артында йоклап киткән машина йөртүчеләрне уятырга тиеш. Бу хакта Татарстан Эчке эшләр министрлыгының ЮХИДИ җитәкчесе Ленар Габдрахманов юл хәрәкәте куркынычсызлыгын тәэмин итү буенча оештырылган Хөкүмәт комиссиясе утырышында сөйләде.

Ленар Габдрахманов сүзләренә караганда, бу - сынау проекты. Хәзерге вакытта М7 трассасының 8 чакрымында шундый полосалар урнаштырылган. Алар озынча һәм буйга эшләнгән.

Ленар Габдрахманов хәбәр иткәнчә, бер метр тавыш полосасы якынча 120 сум тора. Аны ясау өчен Мәскәүдән махсус техника кайтарылган.

Бу полосалар юл һәлакәтләре еш булган урыннарга куелган. ЮХИДИ хезмәткәрләре бу полоса буенча барганда барлыкка килгән тавыш һәм вибрациядән руль артында йоклап киткән машина йөртүче уяныр дип  исәпли.

"Татар-информ"
 

 


Будь в курсе последних событий! Читай tatmedia.ru


Добавить комментарий


Защитный код
Обновить