Зәйдә чиркәүләрне барладылар

29.12.2016 12:51 | Хәбәрләр Печать

Зәйдә чиркәүләрне барладылар

Кичә, 27 декабрь көнне, Зәй районына Әлмәт һәм Бөгелмә епархияләре епискобы Мефодий килде. Шәһәр администрациясендә Зәй шәһәрендә керәшеннәр өчен төзеләчәк православ храм проектының презентациясе узды. Храм төзелеше өчен шәһәр уртасында җир бүлеп бирелгән инде. Чиркәү Изге Макарий исемен йөртәчәк.

Епископ Мефодий һәм Зәй районы керәшен оешмасы җитәкчесе Иван Яковлев шулай ук керәшен авылларындагы чиркәүләрнең торышы белән дә таныштылар. Поповка авылында халык җыены уздырып, чиркәү мәсьәләсе буенча карар чыгарылды. Кайчандыр чиркәү булып торган, бүгенге көндә клуб ролен үтәгән бина православныйларга кире кайтарып биреләчәк. Авылда 2017 елда Президент программасы буенча яңа клуб сафка басачак. 10 январь көнне епископ Мефодий җитәкчелегендә Поповка авылында беренче келәү узачак.

Югары Баграж авылының күп еллар ябылуда торган, инде ярым җимерек хәлендәге иске агач чиркәвен сүтеп, аның урынына яңасын салу турында да сүз булган. Бу очракта узган елда гына авылдашлары Мухановлар тарафыннан төзелгән часовня чиркәү территориясенә кереп, бербөтен комплекс тәшкил итәчәк.

Керәшен Мәлеме авылында күп еллар ябылуда торган, унсигезенче гасыр азагында ук салынган мәһабәт Казанский чиркәвен реставрацияләү бик зур чыгымнар сораячак. Шуңа күрә, авылга келәү йорты кирәклеге турында сүз булган.  

Терентий Казанский фотолары


Людмила Белоусова


Будь в курсе последних событий! Читай tatmedia.ru


Добавить комментарий


Защитный код
Обновить