Туганайлар

Үлгәннәрнең каберен беләләр

"Исәннәрнең кадерен бел, үлгәннәрнең каберен бел", дип язган шагыйрь. Республикада зиратларны тәртипкә китерү буенча зур эш башкарыла. Узган елда "Республикада шәһәр һәм авыл җирлекләрендә иң яхшы җәмәгатьчелек тәкъдиме" дигән номинацияле конкурс булып узды. Аны Республика муниципаль төбәкләр Советы үткәргән. Шунда Питрәч районының Керәшен Сәрдәсе авыл җирлеге конкурс нәтиҗәләре буенча җиңүче...

Авыл җирлеге башлыгы урынбасары Олег Волков сөйләгәннәрдән күренгәнчә, бу эшкә сәрдәлеләрнең барчасы диярлек үз өлешен керткән. Барлык эш тә халыктан җыелган 336 мең 710 сум акчага башкарылган. Бигрәк тә, Николай Мухин, Иван Анисимов, Валерий Топьянов, Сергей Николаев, Хәлим Миннебаев, Валерий Харитоновлар зур суммада акча керткәннәр. Җыелган акчага 63 мең сумлык баганалар, 1120 метр торба, 600 квадрат метр профнастил сатып алынган.
Зиратны койма белән тоту эшен дә авылдашлар көче белән үткәргәннәр. Бу эштә Алексей Дементьев, Алексей Канашев, Николай Ермолаев, Илья Фадеев, Николай Волков, Иван Долгов, Василий Горшунов һәм башкалар активлык күрсәткәннәр.
Зират янына чүп-чар өчен зур контейнер куелган. Җыелган чүпне шуңа салып яндыралар икән. Болай эшләгәндә, янгын чыгу куркынычы булмый. Шундый контейнер урнаш-тырулары белән авыл җирлеге конкурста җиңү-че булган да инде.
Шулай ук исәннәрнең дә кадерен беләләр монда. Авылда 3 сугыш ветераны, 8 сугыш толы, 25 тыл ветераны бар. Аларның барысына да диярлек фатир бирелгән. 9 май Җиңү бәйрәмендә ветераннарга күчтәнәчләр өләшенгән, чәй өстәле оештырылган.

Нравится
Поделиться:
Реклама
Комментарии (0)
Реклама
  • 4 май 2018 - 16:28
    Правнуки рассказывают о своем прадеде (http://pestrecy-rt.ru/)
  • Закрытие IV Форума кряшенской молодёжи Фоторепортаж
  • Волнуют ли кряшенскую молодёжь вопросы семьи? ФОТОРЕПОРТАЖ
  • "Айбагыр" Олы көн 2018
  • Чему научились делегаты Форума на мастер-классах ФОТОРЕПОРТАЖ
  • Открытие IV форума кряшенской молодёжи ФОТОРЕПОРТАЖ
  • Как делегаты IV Форума провели первый день
  • В Кировской области впервые прошел семинар по наследию кряшен
Ночной режим