Туганайлар

Хөрмәтле коллегалар!

Сезне чын күңелдән зур бәйрәмегез - "Туганайлар" газетасының унъеллык юбилее белән тәбрик итәм.

"Туганайлар" газетасы үзенең халыкчанлыгы, үз төсе, традицияләре белән аерылып тора. Ул керәшен халкының сулышы, уй-кичерешләре белән яшәүче, аңа кагылышлы вакыйгаларны бөтен нечкәлеге белән ачып, информацион киңлекләргә таратучы бердәнбер матбугат чарасы. Керәшен культурасын күтәрүгә, аны танытуга куйган хезмәтегез бәяләп бетергесез. Газета битләрендә урын алган язмалар объектив һәм күпкырлы. Һәр вакыйгага карата үз карашыгыз, үз фикерегез бар. Сезнең кабатланмас стилегез газета укучыларга кызыклы. Җәмгыятне борчыган проблемаларны гади, аңлаешлы телдә җиткерә алуыгыз - аерым игътибарга лаек. Алга таба да көн үзәгендә булып, халык интересларын чагылдырып яшәгез. Юбилей уңаеннан сезнең коллективка иҗади энергия, күңел күтәренкелеге, яңа идеяләр, кызыклы материаллар һәм укучыларыгызның тагын да артуын теләп калам. Алар тарафыннан яңгыраган рәхмәт сүзләре сезнең хезмәт юлын яктыртып, көч һәм сүрелмәс дәрт өстәсен.

Нравится
Поделиться:
Реклама
Комментарии (0)
Осталось символов: