Туганайлар

Кайсы кан төркеме булган кешеләр коронавируска ешрак бирешә?

Кытай галимнәре пациентларның кан төркеме һәм аларның коронавирус чиренә бирешүчәнлеген ачыклау өчен максатчан тикшеренү уздырган

Алар COVID-19 расланган 2173 пациентның анализ үрнәкләрен алганнар. Шуларның 206 үрнәге коронавирустан үлгән кешеләргә караган.

II кан төркеме булган кешеләр коронавирус инфекциясен ешрак йоктыра, диелә Medrxiv медицина тикшеренүләре сайтында.

«Цзиньиньтань» хастаханәсенең әлеге инфекция белән авырый торган 1775 пациенты тестларының 25,80 %ы I төркем канга ия булган, 37,75 % — II төркем, 26,42 % — III төркем, 10,03 % — IV төркем.

Галимнәр COVID-19 инфекциясе билгеле бер дәрәҗәдә кан төркеменә бәйле дигән нәтиҗәгә килгән: II төркем канга ия булган кешеләргә, башка кан төркемнәренә караганда, коронавирус йоктыру куркынычы күбрәк яный икән.

Чыганак: Интертат

Фото: https://pixabay.com/

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: