Яков Емельянов: «Синең өеңә шайтан керсә, саклаучы фәрештәң көенер»

Ялкау, мескен, зур ялганчы

Күремчелеккә бирелә,

Күремчелеккә бирелгән кеше

Үз эшенә иренә.

Үз эшенә иренүчене

Этең белән алышма;

Шайтан колы күремче белән

Һичбер чакта танышма.

Танышма син аның белән,

Йөрмә аның юлыннан,

Өйгә кереп ашыңа утырса

Кашыгын ал кулыннан.

Ал кашыгын кулыннан,

Ашыңның тәмен белмәсен,

Әрсез хайван, ялкау көчек,

Синең өеңә кермәсен.

Синең өеңә күремче керсә

Саклаучы фәрештәң көенер,

Күремче дусы зәһәр шайтан

Шул чагында сөенер!

Син шайтанны сөендерсәң

Йортыңа бәла ябышыр,

Улың, кызың, җәмәгатең

Бары да чиргә сабышыр.

Фото: pixabay.com