Туганайлар

Чын укытучы

Мин барлык укытучыларыбызны да бик яратам, рус теле һәм әдәбияты укытучысы - Римма Петровна Егорованы бигрәк тә. Ул үз фәненең нечкәлекләренә генә түгел, ә тормыш итәргә, яшәргә өйрәтүче дә. Моңа мин, сигезенче класска кергәч, Римма апаның дәресләрендә инандым. Ул безгә кагыйдәләр, рус теленең матурлыгын, әдәбият байлыгын гына төшендереп калмый, яшәргә...

Мин барлык укытучыларыбызны да бик яратам, рус теле һәм әдәбияты укытучысы - Римма Петровна Егорованы бигрәк тә. Ул үз фәненең нечкәлекләренә генә түгел, ә тормыш итәргә, яшәргә өйрәтүче дә. Моңа мин, сигезенче класска кергәч, Римма апаның дәресләрендә инандым. Ул безгә кагыйдәләр, рус теленең матурлыгын, әдәбият байлыгын гына төшендереп калмый, яшәргә дә өйрәтә. Һәрвакыт дөнья яңалыкларын сөйли, безнең сәламәтлегебез, кәефебез турында сораша. Аның дәресләрен мин түземсезлек белән көтеп алам, яратып, күңел биреп укырга тырышам.

Сыйныф җитәкчебез буларак, ул һәрвакыт безнең өчен борчыла. Бигрәк тә миңа аның тыныч, сабыр холкы, балаларга карата ягымлы һәм мөлаем мөнәсәбәте ошый. Ул белем биргән укучылар рус теленнән район күләмендәге ярышларда, төрле конкурсларда призлы урыннар яулыйлар.

Римма апа - хөрмәткә лаек һөнәр иясе. Киләчәктә дә шулай безне сөендереп, яңа уңышларга ирешергә, яңа үрләр яуларга язсын үзенә.

Нравится
Поделиться:
Реклама
Комментарии (0)
Осталось символов: