Юлыгызга ак жәймә!

Татарстанның халык артисты, Яр Чаллы керәшен җәмгыяте җитәкчесе Виталий Агапов Яр Чаллыда инде ике тапкыр "Керәшеннәр җырыу әйтә" исемле Бөтенроссия керәшен фольклор ансамбльләре фестивален үткәрде.
Хәзер өченче тапкырына әзерлек эшләре бара. Шул арада, бу проект кысаларында башланып киткән зур концертлар оештыруын да дәвам итә ул. Әле күптән түгел генә җырчының туган авылы - Зәй районы Сәвәләй авылында, Әлмәт районы Кәләй авылында шундый матур концерт куеп, карендәшләребезне сөендереп кайттылар. Узган елгысыннан аермалы буларак, бу концертларда яшьләр күп катнаша. Яңа оешкан "Җанагай" ансамбле чыгышы тамашачы өчен сюрприз-бүләк булды. Ә менә Агапов үзе башкарган җырларның әзрәк булуын, рәхәтләнеп тыңларга җитми калуын билгели тыңлаучылар.
Бөтен картасын ачып бетермәсә дә, быелга планнары зур икәнен әйтә Виталий Агапов. Шулай була күрсен, юлыгызга ак җәймә!
Юлыгызга ак җәймә!

Мария Мартынова